Служба Пресвятей Богородице, ради иконы Ея, именуемыя "Умиление" или "Радость всех радостей"

НА МАЛОЙ ВЕЧЕРНИ

Даруй нам помощь, Богородице,/ на Тя надеющимся,/ верных прибежище,/ избави от бед рабы Твоя, Дево.

Радостно, Чистая,/ ныне наставшее хваление приношаю:/ радуйся, и тихим гласом умильно вопию Ти:/ радуйся, всех радостей Радосте.

Радости вся исполнила есй, / Вышния и нижния Ты совокупила есй, Богородице, / темже радостно и согласно ныне / Небо и земля зовёт Ти: / радуйся, всех радостей Радосте.

Слава, и ныне, глас 3:

Злата всякаго блистаема/ и утра солнечнаго светлейши,/ жилище Христово,/ радуйся, всех радостей Радосте;/ радуйся, Девице;/ радуйся, Невесто Неневестная.

На стиховне стихиры, глас 3:

Ликуют вси человецы и Ангели, / всегда согласно вопиюще на Небесй и на земли: / радуйся, всех радостей Радосте;/ радуйся, умиления и радости всяческая исполнила еси.

Стих: Помяну имя Твое / во всяком роде и роде. Благостыни бездна и щедротам еси,/ радуйся, Умиление, Девице;/ радуйся, всем радость творящи верным,/ о, радуйся, сущим в бедах и скорбящим/ Пребыстрая Заступнице.

Стих: Слыши, Дщи, и виждь,/ и приклони ухо Твоё.

Идеже прославляется святое имя Обрадованныя Богородицы,/ тамо всяческих благих источницы проливаются:/ приидйте в чистоте, человёцы,/ се бо явление Божёственныя Девы иконы Умиления / сказу ет Царицы пришествие / во спасение всех верных.

Слава, и ныне, глас тойже:

Архангельскую песнь, еже радуйся, Тебе зовём, Богоневесто, / Господь с Тобою, / радуйся, радосте Ангелов и всех человеков, / славящих Тя войстинну веселие; / спаси души поющих Тя, / Богородице Чистая, Умиление.

Тропарь писан на велицей вечерни.

НА ВЕЛИЦЕЙ ВЕЧЕРНИ

Радуйся, Богомати Пречистая;/ радуйся, верных надеждо;/ радуйся, обитель нашу избавляющая всяких скорбёй;/ радуйся, покрывающая рабы Твоя;/ радуйся, Невёсто Неневёстная,/ радуйся, всех радостей Радосте. Всем сердцем прославляем и почитаем / имя Твоё и место обители Твоея/ и святую икону Твою,/ радостно поём Тебе:/ радуйся, Невесто Неневестная,/ не остави нас, сирых и беззащитных,/ во обстояниих лютых,/ избави нас вёчнаго мучения/ и сподоби Царствия Сына Твоего и Бога нашего, / всех радостей Радосте.

Ты Ангелов радость, Владычице Всепетая,/ Ты еси Предстательница наша, / к Тебе прибегаем во всякой нужди и скорби,/ покрый обитель Твою и спаси рабы Твоя, поющия Ти:/ радуйся, всех радостей Радосте.

В си чистою совестию Богородице припадём,/ вопиюще Ей непрестанно:/ радуйся, всех радостей Радосте,/ радуйся, Заступнице девствующих, / спаси обитель, Тебе посвящённую, / покрый от бед и нужды всякия, / Тебе бо вси стяжахом Матерь/ и утверждение и образ девства,/ под кровом Твоим сохраняеми, / радостно зовуще Ти: / радуйся, Дево,/ радуйся, всех радостей Радосте.

Радуйся, Непостыдная Предстательнице;/ радуйся, Преблагая Богородице;/, радуйся, Заступнице обуреваемым;/ радуйся, Яже всем помогающая, сущим в нуждах,/ Ты убо сохрани и мене, Дёво,/ всех радостей Радосте.

Глас 2: Вельми добротою украси Тя Бог,/ яко человеком Свет даде на руку Твоею, / Ты же, в сиянии Его сущи, / упование Христианом, / Помощница им в нуждах и скорбех,/ всех радостей Радосте и пристанище труждающимся, / моли избавитися обители от напастей,/ любовию поющим Тя/ и молящимся всечестному образу Твоему, Умиление.

Едина есй всех Предстательница христиан,/ Богомати Пречистая,/ услыши наше моление,/ воззри на ны, Всепётая, / спаси град весь и обитель Твою/ и озари стадо Твоё/ благодатию Твоего заступления. Умиление.

Да ликует светло избранная Тобою обитель,/ имущи чудотворную икону Умиления Божия Матере,/ Юже ублажаем Божественными песньми:/ радуйся, верных спасение;/ радуйся, всех радостей Радосте;/ радуйся, Невёсто Неневестная.

Слава, и ныне, глас 8:

Богородицу Марию вси воспоим: / радуйся, Мати Божия;/ радуйся, лествице одушевленная;/ радуйся, купино неопалимая;/ радуйся, стамно всезлатая; / радуйся, цвете веры; / радуйся, жезле прозябый; / радуйся, златая кадильнице; / радуйся, горб Божия присенная , Дёво; / радуйся, разрешение клятвы первыя Евы;/ радуйся, Престоле Господень; / радуйся, многомолитвенная красото; / радуйся, Владычице, всех радостей Радосте.

Вход. Прокимен дне. И чтения 3 Богородичная (зри страницы 50-51).

На литии стихиры, глас 3:

Приидите, вси концы земли,/ честному образу Божия Матере, Умилению, поклонимся:/ Та бо непрестанно молится о нас / и Тоя святым образом наше место оживлено бысть,/ мы же, псалмы и пёсньми духовными поюще Ей, / со всеми святыми празднуем светло.

Слава, и ныне, глас 8:

О, преславнаго чудесе:/ во всех странах Тебе ради/ прославляемо место святое сие, Богоневесто, / яко имать в себе чудотворную Твою икону, / от неяже неизреченныя цельбы приёмлюще,/ благодарственно вопием Тебе и умильно молим Тя:/ Пресвятая Дёво, спаси души наша,/ всех радостей Радосте.

На стиховне стихиры, глас 8:

В праздник великий Богородицы собравшеся, / в торжестве духовнем веселящеся, / пред чудотворною Ея иконою Умиления воспоим Преблагословенней:/ радуйся, неувядаемый цвете чистоты;/ радуйся, ограждение Тобою избранныя обители, / ейже благоволила еси причтённой быти ко жребием Твоим на земли;/ радуйся, похвало девствующих;/ радуйся, всех радостей Радосте.

Стих: Помяну имя Твоё / во всяком роде и роде. Радуйся, Яже Радость рождшая, Пречистая,/ сущим на земли воистинну;/ радуйся, спасительное пристанище и покрове притекающих к Тебе; / радуйся, лествице чистая, возвысившая падших; / радуйся, всечестное Умиление, / Богородице, упование душам нашим.

Стих: Слыши, Дщи, и виждь,/ и приклони ухо Твое.

Се покровительствуемая Тобою, Дево, / избранная обитель Твоя/ радостно взывает Тебе:/ прииди к нам, Богоневёсто, невидимо стани с нами,/ вложи пение во уста наша/ и оным предначнй торжество радостно поющих Ти:/ радуйся, всех радостей Радосте.

Слава, и ныне, глас 4:

Тропарь, глас 4:

К Богородице со умилением припадем,/ вси, грехми обремененнии, / чудотворную Ея икону Умиления облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.

НА УТРЕНИ

На Бог Господь: тропарь Богородице, трижды.

Пречистая Дёво Богородице,/ помилуй нас, прибегающих с верою к Тебе, Милосердой,/ и просящих теплаго заступления Твоего./ Можеши бо, яко Благая, всех спасти/ и яко Мати Бога Вышняго Матерними Твоими молитвами/ всегда избавляеши чтущих Тя от всех бед, Умиление.

Слава, и ныне, тойже.

Слава, и ныне, тойже.

Слава, и ныне, тойже.

Таже степенна, 1-й антифон 4-го гласа. Прокимен, глас 4: Помяну имя Твоё/ во всяком роде и роде. Стих: Отрыгну сердце моё слово благо, глаголю аз дела моя Цареви. Всякое дыхание: Евангелие от Луки, зачало 4.

По 50-м псалме стихира, глас 6:

Не ввери мя человеческому предстательству, / Пресвятая Владычице,/ но приими моление раба Твоего, / скорбь бо обдержит мя, / терпети не могу демонскаго стреляния,/ покрова не имам,/ ниже где прибегну, окаянный,/ всегда побеждаемь,/ и утешения не имам, разве Тебе, Владычице мира,/ упование и предстательство верных,/ не презри моление моё,/ полезно сотвори.

Канон, глас 4.

Ирмос: Отверзу уста моя, / и наполнятся Духа, /и слово отрыгну Царице Матери,/ и явлюся, светло торжествуя,/ и воспою, радуяся, Тоя чудеса.

Умилися, умилостивися, умилосердися, Владычице,/ на мя, грешнаго и недостойнаго раба Твоего,/ дерзающаго воспети Твоя чудеса.

Мати Божия Пречистая, / не отрини мене, окаян наго и нечистаго, / дерзающаго пети Твоя чудеса, Умиление.

Инаго прибежища и теплаго предстательства / к Сыну Твоему и Богу нашему не имам, Всепетая,/ темже сподоби мя, многогрешнаго, восхвалити Твоя чудеса.

Леностию одержимь и страстьми обуреваемь есмь аз,/ неключимый раб Твой, Владычице,/ недоумею по достоянию восхвалйти и прославит Твоя чудеса.

Песнь 3

Ирмос: Твоя песнословцы, Богородице, /живый и независтный Источниче,/ лик себе совокупльшия, духовно утверди,/ в Божественней Твоей славе/ венцев славы сподоби.

Един аз, окаянный, житием согреших паче всех человек. Пречистая, / но, на щедроты Твоя уповая, зову:/ душевнаго мя умиления сподоби. Никтоже, прибегаяй с верою под Божественный Покров Твой, Владычице, / тощь от Тебе исходит, / темже и аз, многогрешный, дерзая, зову:/ Божественнаго мя умиления сподоби.

Иаков, лествицу рожественную видев, рече:/ степень Божия сия, Яже еси Ты, Пропетая; / темже молю Тя:/ благаго восхождения к добродетели и мене, люте недостойнаго, сподоби.

Юже всем благопослушную в скорбех и обстояниих душевных и телесных/ яви Тя Господь, Богородице Благая, / тако и мне, люте обуреваемому страстьмй безместными, слезы умиления подаждь / и Твоего, Дево, Матерняго заступления сподоби.

Седален, глас 5:

Превзыдоша главу мою греси мой. Владычице, / осквернен ими есмь, и несть исцеления в плоти моей,/ но Ты, Многоблагоутробная, даруй души моей слезы покаяния на очищение скверн греховных / и телесныя недуги уврачуй, Врача всяческих и Господа рождшая.

Слава, и ныне:

Песнь 4

Ирмос: Седяй в славе на Престоле Божества/во облаце легце, / прииде Иисус Пребожественный / Нетленною Дланию и спасе зовущия:/ слава, Христе, силе Твоей.

Идеже осенит благодать Твоя, Владычице, / тамо всякая скорбь потребляется, веселие же водворяется,/ еяже и мене, недостойнаго, сподоби, вопиюща:/ радуйся, Богородице, всех радостей Радосте.

Слез не имам, окаянный аз, ниже душевнаго умиления,/ но Сама, яко Милосердая, сия ми подати благоволи, да взываю:/ радуйся, Дево Пречистая, всех радостей Радосте.

Немощна мя суща и окаянна струпы греховными, / уврачуй, Пречистая, милосердия Твоего елей изливающи,/ и воздвигни пети Тебе:/ радуйся, Владычице, всех радостей Радосте.

Омрачихся умом в житейских сластех,/ но Ты, Владычице, свете помраченныя души моея, разгони тьму страстей моих,/ да просвещся Тобою, вопию:/ радуйся, Невесто Неневестная.

Песнь 5

Ирмос: Ужасошася всяческая/ о Божественней славе Твоей,/ Ты бо, Неискусобрачная Дево,/ имела еси во утробе над всеми Бога/и родила еси Безлетнаго Сына,/ всем воспевающим Тя/ мир подавающая.

Доколе поносит враг и низлагает долу мя, немощнаго и разслабленнаго люте душею и телом: / умилися, Владычице, и низложи борющих мя врагов, Всепетая,/ души моей мир подавающи.

Вышши всех Ангел и Архангел явйлася есй, Чистая Богоотроковице, / темже молю Тя, стрелы вражия, на мя изощренныя, сокрушити, / души мир подавающи.

Доколе, душе моя, пребываеши в прегрешиниих, конца не имущи греховному обычаю, / возникни из глубины зол, взирающи державному заступлению Пречистыя, всегда на помощь тебе скорыя/ и благодатию Своею мир души и телу подавающия.

Радость, и веселие, и радование Божественное, / Дево Неискусомужная, нам умножися Божие:/ се бо, плачущиися люте, радуемся молитвами Твоими.

Песнь 6

Ирмос: Божественное сие и всечестное/ совершающе празднество, / Богомудрии, Богоматере,/ приидите, руками восплещим, / от Нея рождшагося Бога славим.

Радости Божественнаго величия, яко от начала нам веселия,/ благодарения гласы приносим,/ прилежно почитающе Ю, яко Предстательницу нашу.

Достойно Ти песнь радования, Чистая Дёво, веселящеся, приносим,/ избавлышеся от бед Твоими молитвами.

Ангельстии языцы достойно Твоя хвалы воспе- ти не могут, Чистая, / мы же ныне, рабски вземшеся, радование Гавриилово приносим Ти.

Яко Божественное прибежище, мы покров Твой вси стяжавше к Богу, / в напастех, и в гонениих, и гресех к Тебе прибегаем/ и Тобою изменение приемлем, Пречистая.

Кондак, глас 3:

Юже подражая неплодную смоковницу,/ аз, окаянный, умиления плода отнюд не приношу и посечения страшуся, / но,взирая к чудотворней иконе Твоей Умиления, Владычице, / стеню от сердца и вопию:/ умилися, Благосердая, / и мне, окамененному сердцем, / благоволи подати душевное и сердечное умиление.

Икос:

Реку неисчерпаемую милости Твоея/ к грешным всем. Владычице, изливавши, темже молю: / напой мою жаждущую душу и изсохшее грехи сердце моё ороси, да, благословя, воспою:/ препётый отцёв Господь и Бог, благословен есй.

Я же всем благопослушная в скорбех и обстояниих душевных и телесных, Владычице,/ не отвержи и мене, недостойнаго, но сподоби пети: / отцёв Господь и Бог, благословен есй.

Не отрини, Богородице, мене, уязвленнаго советом змииным,/ не возгнушайся мене, смраднаго грехи многими,/ но сподоби всегда пети:/ отцёв Господь и Бог, благословен есй.

Егда престоли на Суд поставятся и Судищу Христову предстанут вси земнороднии, / тогда яви мне, Владычице, Матернее Твое заступление, неоскудную помощь, вопиющу:/ отцёв Господь и Бог, благословен есй.

Песнь 8

Ирмос: Отроки благочестивыя в пещи/ Рождество Богородичо спасло есть;/ тогда убо образуемое,/ ныне же действуемое, / вселенную всю воздвизает пёти Тебе:/ Господа пойте, дела,/ и превозносите Его во вся веки.

Страха мя избави, о Владычице, злобы и воздушных мытарств./ Покажи на мне, недостойнем, велию милость Твою, воспевающем:/ Господа пойте, дела, и превозносите Его во вся веки.

Избави мя, Пренепорочная, озлобления злых человеков и лукавых бесов,/ трепещут бо имене Твоего великаго, яко дым исчезают;/ мене же во умилении сердца сподоби пёти:/ Господа пойте, дела, и превозносите Его во вся веки.

Темныя власти князя, всегда борющаго мя, немощнаго и унылаго, разжженныя стрелы угаси, Всепетая,/ и сподоби мя благодарственно воспевати:/ Господа пойте, дела, и превозносите Его во веки.

Пение моё приими убогое, Всемилостивая Госпоже Дево, Владычице Богородице, / Матерним Твоим милосердием покрывающи поющия:/ Господа пойте, дела, и превозносите Его во вся веки.

Песнь 9

Ирмос: Всяк земнородный/ да взыграется, Духом просвещаемь, /да торжествует же Безплотных умов естество,/ почитающее священное торжество Богоматере, / и да вопиет:/ радуйся, Всеблаженная Богородице,/ Чистая Приснодево.

Егда изнемогати крепости моей / во исходе души моей грешней от окаяннаго и сквернаго сего телесе,/ тогда наипаче яви на мне, недостойном, крепкую мышцу Твою, Всеблагая,/ даждь в час смерти моея радостно взывати Тебе:/ радуйся, Всеблаженная Богородице, Чистая Приснодево.

Нищ и убог есмь от дел благих, не имый умиления душевнаго, Премилостивая, / Ты Сама дарствуй ми, да благодарственно вопию: / радуйся, Всеблаженная Богородице, Чистая Приснодево.

Иссопом милосердия Твоего окропи мя, Пречистая, / да очищу ся от тяжких и лютых беззаконий моих и во умилении души да взываю от сердца:/ радуйся, Всеблаженная, Чистая Приснодево.

Еже помыслих в души моей, по силе принесох пение Тебе, Владычице, / не отрини убо обычным Твоим милосердием/ и не омерзи мною, многогрешным и нечистым,/ но сподоби всегда во умилении пети Тебе:/ радуйся, Всеблаженная Богородице, Чистая Приснодево.

Светилен.

Теплое заступление в бедах, и Помощницу, и к Богу примирение, / Еюже тли избавихомся, / Богородицу, вернии, ублажим.

Слава, и ныне:

Тя Предстательницу имамы, грешнии, о Пречистая Дево,/ Ты благопремененна сотвори Сына Твоего и Бога нашего / Матерними Твоими молитвами.

На хвалитех стихиры на 4, глас 6:

Величаем Тя, Всенепорочная Мати Христа Бога нашего, / Яже прежде рождества Дева, /ив рождестве Дева,/ и по рождестве паки пребываеши Дева.

Преблагословенна и препрославленна еси, Богородице Дёво, / яко родила есй всех Творца, Мати сущи Живота;/ Тобою прияхом мы, грешнии,/ падения нашего возстание,/ Едина Благословенная.

Блажим Тя, вси роди Богородице, / яко радости вся ны исполнила еси, / дарованием нам честнаго образа Твоего, Пречистая, / емуже днесь поклоняющеся, / умильно молим Тя: / сподоби, Владычице, Твоя рабы/ в будущем веце избранных радости.

Слава, и ныне, глас 8:

О, преславнаго чудесе:/ во всех странах Тебе ради/ прославляемо место святое сие, Богоневесто, / яко имать в себе чудотворную Твою икону, / от неяже неизреченныя цельбы приемлюще,/ благодарственно вопием Тебе и умильно молим Тя:/ Пресвятая Дево, спаси души наша,/ всех радостей Радосте.

Молитва

О Пресвятая Госпоже Владычице, Богородице Дево! Приими недостойныя молитвы наша, сохрани нас от наветов злых человек и от напрасныя смерти, подаждь нам прежде конца покаяние, на моления наша умилосердися и радость в печали место даруй. И избави нас, о Госпоже Владычице Богородице, от всякия беды, напасти, скорби, болезни и всякаго зла, и сподоби нас, грешных рабов Твоих, одесную стати во втором пришествии Сына Твоего, Христа Бога нашего, и наследники нас быти сподоби Царствия Небеснаго и жизни вечныя со всеми святыми в безконечныя веки. Аминь.

На Литургии служба вся Богородице.

Служба сия совершалась в Серафимо-Дивеевском монастыре в день празднования иконы Божией Матери "Умиления" или "Радость всех радостей", 28 июля, а также 9 декабря, в день основания преподобным Серафимом Девической Мельничной общины. 9 декабря служба эта совмещалась со службами Зачатия праведной Анны и преподобному Серафиму Саровскому, чудотворцу. Вместо 2-й кафизмы в этот день читался акафист пополам: 1-я половина Благовещению Пресвятой Богородицы и 2-я половина преподобному Серафиму Саровскому. После Литургии 28 июля и 9 декабря было установлено совершение крестного хода по канавке с пением Параклисиса.

Аще 28 июля совершается празднование Пресвятой Богородице полностью по Службе Смоленской иконе, то Служба иконе "Умиление" или "Радость всех радостей" переносится на 19 июля и тогда совершается совместное празднование Пресвятой Богородице и преподобному Серафиму по следующему уставу:

На велицей вечерни: На Господи, воззвах: стихиры на 8:

На утрени: На Бог Господь: тропарь Богородицы, дважды. Слава: преподобнаго. И ныне: Богородицы. По 1-м стихословии седален Богородицы. Слава, и ныне, тойже. По 2-м стихословии седальны оба преподобнаго. Слава, и ныне, Богородицы. Величания два: Богородицы и преподобнаго. По полиелеи седален преподобнаго. Степенна, 1-й антифон 4-го гласа. Прокимен, глас 4: Помяну имя Твое / во всяком роде и роде. Стих: Отрыгну сердце Моё слово благо, глаголю Аз дела Моя Цареви. Всякое дыхание: Евангелие Богородицы, от Луки, зачало 4. По 50-м псалме, Слава:

Молитвами преподобнаго: И ныне: Молитвами Богородицы: Стихира Богородицы, глас 6: Не ввери мя: Каноны Богородицы со ирмосом на 8 и преподобнаго на 6. По 3-й песни кондак, икос и седален преподобнаго. Слава, и ныне, Богородицы. По 6-й песни кондак и икос Богородицы. Светилен Богородицы и преподобнаго. Слава, и ныне, Богородицы. На хвалитех стихиры на 6: Богородицы 3 и преподобнаго 3. Слава: преподобнаго. И ныне: Богороди цы. По велицем славословии тропарь преподобнаго. Слава, и ныне. Богородицы. На часех тропарь Богородицы. Слава: преподобнаго. И ныне: Богородичен часа. Кондаки же пременяюще.

На Литургии Служба Богородицы и преподобнаго. Аще празднование Пресвятой Богородице ради иконы Ея, именуемыя "Умиление" или "Радость всех радостей", совершается 28 июля, совместно со Смоленской иконой, то к Службе преподобному Серафиму 19 июля добавляются из Службы иконе "Умиление" Богородичны (на стихирах, после тропаря, седальнов и светильна) и канон.